同樣是2014年2月16日、同樣是馬拉松，但我跑的不是香港渣打馬拉松，而是日本青梅馬拉松(30公里賽)。
既然上年跑過香港渣打馬拉松(全馬) <詳見香港渣打馬拉松2013的Blog>，所以今年不打算再跑渣馬。要試吓新嘢、要與別不同，我選擇了日本青梅馬拉松。我未去過青梅，亦未試過參加三十公里賽，今次去青梅跑可算是新嘗試，第一次跑海外三十公里項目。
能參加這個賽事可算是難關重重，單是報名已殊不簡單。大會分三天接受報名，每天有特定名額。在網上報名的第一天(20/9)，我第一時間(10:00am)上網，但一直未能登入官方網站，約半小時後，官方網站便登出：該日已額滿，明天請早！
咁爆!!??
後來我醒起日本時間較香港快一小時，故我第一天是遲了一個小時才上網，即大會接受報名後約一個半小時便額滿。
吸取教訓後，第二天我(HKT 09:00)便上網，初時也沒法進入官方網站，後來終於順利進入。因為網站只有日文，在輸入報名資料時一方面怕入得慢，未遞交便額滿；另一方面又怕入錯資料。最終手忙腳亂下提交報名，不過畫面卻出現：お申込ありがとうございます。エントリー手続きが完了しました 。…… 決済手続きが完了しませんでした……
(我日文差，睇完都唔知係唔係已經成功報了名？)
唔理咁多，嗱嗱聲叫跑友都試吓報名先。點知佢報完之後，立即收到大會的自動確認電郵回覆 。Why? Why? 我收唔到email?? 後來我也收到email (日文)，但與跑友的不同，並不是確認電郵。經查閱翻譯後，才知電郵大致上是話我尚未付款，不算完成報名。吓！明明報名時已輸入了Visa Card的資料喇喎??!!
於是我打算再去官方網站報名，點知已經入唔到。
不久，網站更公佈：是日名額已滿，明天請早！Oh! No～我明天無時間上網搞喎！
幾經折騰，後來我按照電郵上的一個網址link，輸入另一張有網上認證的Visa Card才終於交到報名費 (如果這是騙徒的email，我便中招了！)。好彩，最終亦收到確認電郵，真係驚險萬分！
(好彩最後都能順利經網上報名及付款！)
另一驚險的事是一般國際馬拉松賽事都會以電郵發給海外跑手「取跑手包通知書」，但青梅馬拉松竟是郵寄通知信給參賽者。原來大會一早已說明會於2月初將通知書寄往參賽者住址，無留意添！
2月初咁遲，如果我出發前仍未收到咁飛唔飛去日本好呢！
到了2月7日我仍未收到大會信，而官方網站公佈已於1月 31日寄出通知書。一般日本寄香港空郵約6-7日，如果我過兩日都收唔到信咁點算呢？
妃人憂天的我開始擔心是否因為我報名時輸入中文地址，大會唔識睇呢？會唔會係因為報名時手忙腳亂打錯字寄失咗呢？哎吔～點解當時我唔入英文呢？？
妃人憂天的我開始擔心是否因為我報名時輸入中文地址，大會唔識睇呢？會唔會係因為報名時手忙腳亂打錯字寄失咗呢？哎吔～點解當時我唔入英文呢？？
到了2月8日跑友Whatsapp我話佢收到通知信了。哦？咁我呢？！！
心中非常忐忑，當日練完跑便立即去check信箱。OH! Thanks God! 我也收到信了！Yeah!! ^+++^
(終於收到大會通知信了，大會竟然用手寫中文地址，勁！)
(期待已久的跑手包換領信)
(期待已久的跑手包換領信)
解決了報名難關，以為可以安心等待出發。點知關東又無喇喇遇上十年一遇的寒峰，東京更刮大風雪。
唔係吖嘛？！！青梅就在東京附近咋喎，咁會唔會影響我的行程架？
1-8°C / 4-10°C咁凍，咁我著咩跑呀？
人哋話貴人出門招風雨，估唔到我呢個超貴嘅人仲招埋風雪添……大劑！>.<
都未擔心完天氣，又有另一件更叫人擔心的事--11/2得悉跑友的媽媽於早前入院仍未出院。
Oh, No! 咁佢使唔使cancel
trip，留港照顧伯母呢？咁今次我係唔係又要一個人去跑呢？
Thanks God！好彩伯母終於在12/2出院，回家休息。希望佢在家能好好休息，早日康復，咁跑友去跑都安心Ｄ吖。
波折重重，終於到了出發的日子(14/2)，其實我因為腳部舊患問題，至今仍沒有練到跑多過20Km的距離，真擔心正式賽事當日捱唔捱到30Km。
唔緊要啦，既然在 主的帶領下一步一步的行到今日，相信 祂必保守我順利完成今次日本青梅馬拉松之旅的！ ^.<
真係犀利, 好佩服你
回覆刪除